Ամանորյա նվեր զինվորի զավակին 2022
Ամանորյա նվեր զինվորի զավակին 2022 (համառոտ նկարագրություն)
2016-2022 թ․ ընթացքում հայրենիքի պաշտպանության համար բազմաթիվ հայորդիներ իրենց կյանքը զոհաբերեցին, շատերը մինչև այսօր անհայտ կորած են համարվում, քիչ չեն հաշմանդամություն ստացած պաշտպանները։
Այսօր կարևոր է մեր տղաների զավակների կողքին լինել, վառ պահել նրանց մանկական երազների աշխարհը։
Այս նպատակով «Նոր Նախիջևան» մարդասիրական հիմնադրամը (այսուհետ՝ հիմնադրամ) հարկ է համարում 2016-2022 թ․ ընթացքում զոհված կամ անհայտ կորած, հաշմանդամություն ստացած հայրենիքի պաշտպանների 4-ից մինչև 11-ը տարեկան երեխաների համար կազմակերպել ամենամյա «Ամանորյա նվեր զինվորի զավակին» ծրագիրը։
Ամանորյա տոների շրջանակում մինչև 100 (նախնական) երեխայի համար նախատեսվում է տրամադրել ամանորյա նվերների հավաքածու։
Համաճարակային պայմանների թույլատրելի վիճակից ելնելով՝ երեխային և նրան ուղեկցող ծնողին կամ ազգականին կտրվի նաև մանկական թատերական ներկայացման անվճար տոմս։ Հիմնադրամը անվճար տոմս է տրամադրում ընտանիքի մեջ մտնող մեկից ավելի երեխաներին ուղեկցող միայն մեկ մեծահասակի։
Ովքե՞ր կարող են մասնակցել։
Ծրագրի մասնակիցների շրջանակը նախատեսում է ներառել 4-11 տարեկան այն երեխաներին, ում հայրերը 2016-2022 հայրենիքի պաշտպանության ժամանակ՝
զոհվել են,
համարվում են անհայտ կորած,
ձեռք են բերել հաշմանդամություն։
Ինչպե՞ս կարող են մասնակցել։
Ծրագրին մասնակցելու իրավունք ստացած հայտատուն պետք է ներկայանա հիմնադրամի նշած հասցե, որը գտնվում է Երևանում։
Ինչպե՞ս գրանցվել։
Ծրագրին մասնակցելու համար պետք մուտք գործել այս հայտարարության վերջում նշված «Արձանագրվեք այստեղ» կոճակի միջոցով ծրագրի հարցարան։ Այնուհետև անհրաժեշտ է լրացնել հարցարանը՝ պատասխանելով հարցերին նշված օրինակներին համապատասխան։ Հարցարանը լրացնելուց հետո պետք է [email protected] էլ․ հասցեին ուղարկել զոհված, անհայտ կորած կամ հաշմանդամություն ստացած զինվորականի կարգավիճակը հաստատող փաստաթղթի, ամուսնության վկայականի, երեխայի մայրիկի անձնագրի, երեխայի ծննդյան վկայականի սքան կամ լուսանկարաված տարբերակը (կարելի է հեռախոսով նկարել)։ Ծրագրին մասնակցելու հաստատումը ստանալուց հետո մասնակիցը կտեղեկացվի հանդիպման վայրի, օրվա և ժամի մասին հավելյալ։
Ծրագրին գրանցվելու վերջնաժամկետը մինչև դեկտեմբերի 1-ն է։
