Ամանորյա նվեր զինվորի զավակին 2023 թ․ ծրագիրն ամփոփվեց

2023 թ․ դեկտեմբերի 15-ին և 23-ին ամփոփվեց «Ամանորյա նվեր զինվորի զավակին» 2023 թ․ ծրագիրը։ «Նոր Նախիջևան» մարդասիրական հիմնադրամն արդեն երրորդ անգամ է իրականացնում այս սոցիալական ծրագիրը։ Այս անգամ ծրագրի մասնակիցների թիվը գրեթե քառապատկվել է՝ հասնելով 393 երեխայի։ 2016-2023 հայրենիքի պաշտպանության ժամանակ զոհվածների, հաշմանդամ դարձածների, անհայտ կորածների, 2023 թ․ սեպտեմբերի վերջից Արցախից տեղահանված ընտանիքների 4-ից 9 տարեկան երեխաները և նրանց ուղեկցողները հիմնադրամի հովանու ներքո հյուրընկալվել էին Հովհաննես Թումանյանի անվան պետական տիկնիկային թատրոն՝ դիտելու «Սանտայի նվերները» ամանորյա ներկայացումը։